पाँचथरको फाल्गुनन्द गाँउपालिका ५ भञ्ज्याङ स्थितमा आगोलागीबाट करोडौको क्षति भएको छ । गत आइतबार बिहान पौने ९ बजे पञ्च बहादुर चेम्जोङको घरको भान्छा कोठाबाट अचानक आगोलागी शुरु भई ढुङ्गामाटो,काठ र रडले बनेको टिनको छानो भएको तिनतले घरभित्र रहेको ७ तोला सुन , ३० तोला चाँदी, नगद ५ लाख रुपैया, किराना पसलमा रहेका अन्नपात, भाँडावर्तन, काठपात, कागजपत्र लगायत घरमा पार्किङ गरेर राखेको बा ७८ प ११३७, बा ५३ प ४०३८, मे ७ प १६८४ नम्बरको स्कुटी र तत्काल नम्बर नखुलेको १ थान मोटरसाईकल समेत पुर्णरूपमा जली नष्ट हुँदा अन्दाजि १ करोड ५० लाख मुल्य बराबरको क्षति भएको हो ।
उक्त आगो सोही दिन दिउँसो साढे ३ बजे पुर्णरूपमा नियन्त्रणमा लिएको जिल्ला प्रहरी कार्यालयले जानकारी दिएको छ ।
