सुनसरी । सुनसरी प्याब्सनले जिल्ला स्तरीय नृत्य प्रतियोगिता पहिलो पटक ग्रामिण क्षेत्रमा आयोजना गर्ने भएको त । शहरकेन्द्रीत कार्यक्रम हुँदै आएकोमा यस वर्ष भने सुनसरीको बराहक्षेत्र नगरपालिकामा आयोजना गर्ने भएको हो ।
जिल्ला प्याब्सन सुनसरीद्वारा आयोजना हुन लागेको जिल्ला स्तरीय अन्तर लोक नृत्य प्रतियोगितामा बराहक्षेत्र ५ मा रहेको सिद्धार्थ मेमोरियल इङलिस स्कुलमा हुने भएको छ । पुस ११ गते शुक्रबार जिल्ला भरी रहेका स्थानीय तह, गाउँपालिका, नगरपालिका तथा उपमहानगरमा भएका प्रतियोगितामा प्रथम र द्धितीय हुने विद्यालयले सहभागिता जनाउने प्याब्सन सुनसरीका जिल्ला सचिव बिजय राईले बताए ।
निजी तथा आवासीय विद्यालय संगठन नेपाल आयोजक रहने यस प्रतियोगितालई सिद्धार्थ मेमोरियल कालाबन्जारले होस्ट गर्ने भएको छ । उक्त कार्यक्रममा नेपाल प्याब्सन केन्द्रीय सल्लाहकार शंखर थापाको प्रमुख आतिथ्यता रहनेछ भने जिल्ला सुनसरी प्याब्सन अध्यक्ष बिष्णु कोइरालाको सभापतित्व रहने सचिव राईले बताए ।
उक्त लोक नृत्य प्रतियोगितामा जम्मा १५ विद्यालय सहभागी हुनेछन् । बराहक्षेत्र न.पा.बाट स्काई इङलिस स्कुल र राजाबास सेकेण्डरी स्कुल, इनरूवा न.पा.बाट सूर्य किरण एकेडेमी, नवयुग एकेडेमी, पिसियस एकेडेमी र इनरूवा इङिलस स्कुल, रामधुनी नपा.बाट लर्डबुद्ध एकेडेमी र आरम्भ विद्या मन्दिर, इटहरी उपमहानगरपालिका हिमशिखर इङिलस स्कुल, लिटल फ्लावर इङिलस स्कुल र विश्व आदर्श स्कुल सहभागी हुनेछन् ।
त्यसैगरी धरान उपमहानगरबाट सेन्ट जोसेफ बोर्डिङ स्कुल र आवर स्मल हेभन इङ्लिस स्कुल, दुहवी नगरपालिकाबाट महेन्द्र मेमोरियल इङिलस स्कुल र कोशी पालिकाबाट समिप स्टार इङलिस छनोट भएका छन् ।
उक्त कार्यक्रममा प्रथम हुनेले चाँदिको रनिङ सिल पाउनेछ । दोस्रो, तेस्रो र सान्तवना हुनेले ट्रफी, मेडल र प्रमाणपत्र पाउनेछन् । उत्कृष्ट श्रृंगार तथा भेसभुसा, उत्कृष्ट कोरियोग्राफी, उत्कृष्ट प्रस्तुती, अनुसासित हुनेलाई समेत विधागत पुरस्कर दिने बराहक्षेत्र प्याब्सनका अध्यक्ष साथै सिर्द्धार्थ मेमोरियल इङलिस स्कुलका प्रधानाध्यापक कृष्ण तामाङ बताए ।
