सुनसरी । बराहक्षेत्र नगरपालिका ८ शुक्रबारेस्थित सुदिप राईको घरमा आलागी हुँदा उनका ४ वर्षीय छोराको मृत्यु भएको छ ।
मंगलबार दिउँसो खरको छानो भएको घरमा लागेको आगोले बालक सुप्निन राईको जलेर मृत्यु भएको इलाका प्रहरी कार्यालय चक्रघटीका प्रमुख शरण कुमार दाहालले बताए । घर पनि पूर्णरुपले जलेर नष्ट भएको छ ।
दाहालका अनुसार आगलागीपछि सबै जना आगो निभाउन केन्द्ति भएको र भित्र बालक छन् भन्ने कसैलाई थाहा नहुँदा जलेर बालकको मृत्यु भएको हो । बालकले नै आगोजन्य पदार्थ चलाउँदा आगलागी भएको हुन सक्ने प्रहरीको अनुमान छ ।
घर जल्दा करिब १ लाख रुपैया बराबारको नोक्सान भएको प्रहरीले जनाएको छ । उक्त बालकको शव पोस्टमार्टमको लागि धरान स्थित बि पि हस्पिटल पठाएको प्रहरी जनाएको छ।
बराहक्षेत्रमा एक युवतीले गरिन् आत्महत्या
त्यसैगरी बराहक्षेत्र नगरपालिका १ भण्डारीटारस्थित मंगलबारेमा रहेको सानो नहरमा हाम फालेर १८ वर्ष युवतीले आत्महत्या गरेकी छन् ।
भण्डारीटारस्थित सानै उमेरदेखि मामाघर बस्दै आएकी पायल शाह पुरानो इन्टेक नहरमा करिब १० बजे तिर हाम्फालेको हुन सक्ने इलाका प्रहरी चक्रघट्ीले जनाएको छ ।
खोजी गर्ने क्रममा करिब ४ घण्टा पछी उक्त शव फेला परेको इलाका प्रमुख दाहालले बताए । खोजी गर्ने क्रममा नहरको पानी सुकाए उक्त शव फेला परेको थियो । उक्त युवतीले किन आत्महत्या गरेको भने कुनै कारण नखुलेको दाहालले बताए ।
