सुनसरी । बराहक्षेत्र नगरपालिका ९ राजाबासस्थित सरस्वती मावीको खेलमैदानमा जारी १ नम्बर प्रदेश स्तरीय प्रथम राजाबास गोल्डकपको शुक्रबारको खेलमा कल्चरल ग्रिन क्लब विजयी भएको छ । टाइब्रेकरमा ४-२ गोल अन्तरले बराहक्षेत्र फुटबल क्लब चतरालाई पराजित गर्दै कल्चरल गृन क्लब चक्रघटी विजयी हुँदै सेमिफाइनल प्रवेश गरेको छ ।
खेलको २४औं मिनेटमा कल्चरलका विशाल मग्रातीले गोल गर्दै खाता खोले । खेलको ३७औं मिनेटमा बराहक्षेत्र फुटबल क्लबका सुलभ मास्केले गोल गरी बराबरी बनाए । चतराका आकाश राईले गोल गर्ने अवसर पाए पनि गोल गर्न भने सकेनन् । यता कल्चरलले दोस्रो हाफमा गोल फर्काउन नस्कदा खेल टाइब्रेकरमा पुगेको थियो ।
टाइब्रेकरमा बराहक्षेत्र फुटबल क्लबका अमर श्रेष्ठ र दिवस लिम्बूले गोल गरे भने बिष्णु सुनवर र अकास राईको प्रहार पोस्टमा ठोकिएर गोल हुन सकेन । त्यसैगरी कल्चरलका प्रकाश भुजेल, युवराज श्रेष्ठ, धिरेन लिम्बु र मिलन लिम्बूले गोल गर्दै खेललाई अग्रता दिलाए । सोही गोल नै निर्णयक बन्न पुग्यो ।
शुक्रबारको खेलमा कल्चरल गृन क्लबका प्रकाश भुजेल म्याच अफ द म्याच घोषित भए । उनलाई बराहक्षेत्र नगरपालिका वडा नम्बर ८ वडा अध्यक्ष फारिन्द्र भट्टराईले नगद ३ हजार रुपैयाँ, मेडल र प्रमाणपत्र प्राप्त गरे । प्रतियोगितमा शनिबार आयोजक राजाबास युथ क्लब र टि.डब्लु.वाइ.सी बिराटनगर बीच प्रतिस्पर्धा हुने हुने आयोजक क्लबका सचिव रोनि बिष्टले बताए ।
उक्त प्रतियोगितामा प्रथम हुनेले नगद १ लाख ११ हजार १ सय ११, ट्रफि, मेडल र प्रमाणपत्र प्राप्त गर्नेछ । त्यसै गरी दोस्रो हुने टिमले ५५ हजार ५ सय ट्रफी मेडल र प्रमाणपत्र पाउनेछ । उक्त प्रतियोगितामा १ नम्बर प्रदेश सामाजिक विकास मन्त्रालयको विशेष सहयोग रहेको छ । प्रायोजन भरत बिष्टले गरेका छन् । बराहक्षेत्र नगरपालिका कार्यालय संरक्षण रहेको छ । र वडा नम्बर ९ को पनि विशेष सहयोग रहेको छ ।
