सुनसरी । बराहक्षेत्रको राजाबासमा जारी प्रदेश १ प्रथम राजाबास गोल्डकप फुटबल प्रतियोगिताको आइतबारको खेलमा चर्च ब्याइज फुटबल क्लब काठमाडौंले रेडह्रस फुटबल क्लब इलामलाई टाइब्रेकरमा ३–१ गोल अन्तरले पराजित गर्दै सेमिफाइनलमा प्रवेश गरेको छ ।
खेलको ७ औं मिनेटमा चर्च ब्वाइजका सुभाष तामाङको पासलाई सन्तोष न्यौपानेले गोलमा परिणत गरेर खाता खोलेका थिए । खेलको ३५औं मिनेटमा चर्च ब्याइजका सन्तोष न्यौपानेले पुनः गोल थप्दै पहिलो हाफमा २ गोल बनाए ।
खेलको ५४ औं मिनेटमा रेडहर्स फुटबल क्लब इलामका युवराज राईले हेडमार्फत एक गोल फर्काए । रेडहर्सका तपन कार्कीले हानेको प्रहार चर्च ब्वाइजका पाल्साङ लामाले पाएको पलान्टीलाई रेडहर्सका टंक लामाले गोल गर्दै खेल २-२ गोल अर्थात बराबरी भएको थियो । खेल बराबर भएपछि टाइब्रेकरमा लगिएको थियो ।
ट्राइबेकरमा चर्च ब्वाइजका उमेश राई ,राजेन्द्र रावल, राज कुमारले गोल गरे । रेडहर्षको तर्फबाट तपन कार्कीले मात्र गोल गरे । ट्राइबेकरमा ३ १ ले बिजयी हुँदै चर्च ब्वाइज सेमिफाइनल प्रवेश गरेको हो ।
खेलको म्यान अफ दि म्याच चर्च ब्वाइजका गोलरक्षक मनोज प्रधान घोषित भए । उनलाई बराहक्षेत्र खेलकुद संयोजक आसाराम चौधरीले नगद ३ हजार पुरस्कार प्रदान गरे । राजाबास युथ क्लबको आयोजनामा भएको उक्त प्रतियोगितामा सोमबार न्यु स्टार क्लब कालाबन्जार र टिडिवाइसी विराटनगरबीच पहिलो सेमिफाइनल खेल हुने क्लबका सचिव रोनि बिष्टले बताए ।
बराहक्षेत्र ९ राजाबासस्थित सरस्वती माबीको खेलमैदानमा सञ्चालन भइरहेको प्रतियोगिता कात्तिक २१ सम्म संचालन हुनेछ । प्रतियोगितामा प्रथम हुनेले नगद १ लाख ११ हजार १ सय ११, ट्रफि, मेडल र प्रमाणपत्र प्राप्त गर्नेछ । त्यसै गरी दोस्रो हुने टिमले ५५ हजार ५ सय ट्रफी मेडल र प्रमाणपत्र पाउनेछ ।
उक्त प्रतियोगितामा १ नम्बर प्रदेश सामाजिक विकास मन्त्रालयको विशेष सहयोग रहेको छ । प्रायोजन भरत बिष्टले गरेका छन् । बराहक्षेत्र नगरपालिका कार्यालय संरक्षण रहेको छ । र वडा नम्बर ९ को पनि विशेष सहयोग रहेको छ ।
