सुनसरी । बराहक्षेत्र प्याब्सनले शुक्रबार चौथो बराहक्षेत्र प्याब्सन सप्ताह सुरु गरेको छ । सप्ताह अन्तर्गत अन्तरविद्यालय फुटबल प्रतियोगिता समेत बराहक्षेत्र ३ नडाहास्थित एभरेष्ट फुटबल क्लबको खेलमैदानमा सुरु भएको छ।
शुक्रबार भएको उदघाटन खेलमा भरौल बाल मन्दिर इङ्गलिस स्कुलले ४- १ गोल अन्तरले माउन्ट भ्यु इङ्गलिस स्कुल बराहक्षेत्र १० लाई पराजित गर्दै दोस्रो चरणमा प्रवेश गरेको छ ।
खेलको २३औं मिनेटमा माउन्ट भ्युका आशिष मण्डलले गोल गर्दै खेललाई अग्रता दिएका थिए । भने पहिलो हापmको अतिरिक्त ६ मिनेटमा भरौल बाल मन्दिरका रितेश लिम्बूले गोल गरे । त्यसको २ मिनेटमा पुनः भरौलका सबिन खत्रील्े गोल गर्दै पहिलो हापm सम्म २( १ गोल बनाएका थिए ।
दोस्रो हापm अर्थात खेलको ३१औं मिनेटमा भरौलका सबिन खत्रीले पुनः अर्को गोल गरे । खेलको अन्तिम मिनेटमा भरौलकै रितेश लिम्बूले गोल गरी जित सुनिश्चित गरे ।
प्रतियोगितमा भरौल बाल मन्दिरका सविन राई घोषित भए । उनले सोजन्य समेत रहेको स्काई इङलिस स्कुल बराहक्षेत्र ३ का प्रधानाध्यापक सरण लिम्बुको हातबाट ट्रफी प्राप्त गरे ।
उद्घाटन सत्रमा बराहक्षेत्र प्याब्सनको नगर अध्यक्ष कृष्ण तामाङको सभापतित्व रहेको थियो । जिल्ला प्याब्सन अध्यक्ष बिष्णु कोइरालाको प्रमुख अतिथ्यता रहेको कार्यक्रममा जिल्ला सचिव बिजय राई, बराहक्षेत्र प्याब्सन सल्लाह समिति संयोजक मोहन भट्टराई, जिल्ला सदस्य बराहक्षेत्र ३ वडा अध्यक्ष रुद्र दाहाल, धरान प्याब्सन अध्यक्ष लगायतको आतिथ्यता रहेको थियो ।
शनिबार दुई विद्यालयबीच प्रतिस्पर्धा हुनेछ । पहिलो खेल आधारभुततर्फ चिल्ड्रेन हार्ट एकेडेमी बराहक्षेत्र ८ र आइरिस बराह एकेडेमी तथा दोस्रो खेल माद्यामिक तर्फ गत वर्षको उपविजेता स्काइ इङ्गलिस स्कुल बराहक्षेत्र ३ र मुन बिम एकेडेमी बराहक्षेत्र ५ बीच हुनेछ ।
प्रतियोगितामा प्रथम हुने (आधारभुत र माद्यामिक) दुवै विधाका विद्यालयलाई नगद १५ हजार रुपैयाँ, २० तोला चादीँकोको सिल, मेडल तथा प्रमाणपत्र र दोस्रो हुनेलाई १० हजार रुपैयाँ, मेडल तथा प्रमाण पत्र प्रदान गरिने बराहक्षेत्र प्याब्सनले जनाएको छ । साथै सम्पुर्ण बिधामा ट्रफी र मेडल प्रदान गर्नृ खेल संयोजक शरण लिम्बूले बताए । खेल ३० गतेसम्म सञ्चालन हुनेछ।
उक्त प्रतियोगितालाई सफल पर्न एभरेष्ट फुटबल क्लबले सहकार्य गरेको छ ।
