सुनसरी । बराहक्षेत्र ३ नडाहामा जारी बराहक्षेत्र प्याब्सन सप्ताह खेलकुद अन्तर्गत सोमबारको खेलमा भरौल बाल मन्दिर इङ्गलिस स्कुल बराहक्षेत्र ३ र सिद्धार्थ मेमोरियल इङलिस स्कुल बराहक्षेत्र ५ विजयी भएका छन् ।
एभरेष्ट फुटबल क्लबको खेलमैदानमा जारी अन्तर विद्यालय फुटबल प्रतियोगिताको सोमबार भएको माद्यामिकतर्फको दुवै खेलमा भरौल बाल मन्दिर र सिर्द्धार्थ मेमोरियल विजयी हुँदै सेमिफाइनलमा प्रवेश गरेका छन् ।
पहिलो खेलमा जीवन ज्योति इङलिस स्कुल बराहक्षेत्र ८ लाई ५-० गोलको अन्तरले पराजित गर्दै भरौल बाल मन्दिर सेमिफाइनलमा पुगेको हो । खेलको ११औं मिनेटमा भरौल बाल मन्दिरका रितेश लिम्बूले पहिलो गोल गर्दै खेललाई अग्रता दिलाए । खेलको १५औं मिनेटमा सबिन खत्रीले फ्रीकिककमार्फत गोल गरी पहिलो हाफसम्म २-० गाल भएको थियो ।
दोस्रो हापको १६औं मिनेटमा उज्वल बिष्ट, २०औं मिनेटमा रितेश लिम्बू र २८ मिनेटमा उज्वल बिष्टले गोल गरे । उज्वलको गोल नै निर्णायक बन्न पुग्यो । खेलको म्याच अफ द म्याच भरौल बाल मन्दिरका रितेश लिम्बु घोषित भए ।
त्यस्तै दोस्रो खेलमा गत वर्षको उपबिजेता स्काइ इङलिस स्कुल बराहक्षेत्र ३ लाई १-० गोल अन्तरले पराजित गर्दै सिद्धार्थ मेमोरियल इङलिस स्कुल सेमिफाइनलमा प्रवेश गरेको हो ।
खेलको २८औं मिनेटमा सिद्धार्थका सक्सेश राईले गोल गर्दै पहिलो खाता खोल्दै खेललाई अग्रता दिलाएका थिए । पहिलो हाफ १ – ० मै रह्यो । दोस्रो हाफमा कुनै गोल हुन नसक्दा राईले गरेको गोल नै निर्णायक गोल बन्यो । खेलको म्याच अफ दि म्याच सिद्धार्थ मेमोरियलका सक्सेश राई घोषित भए ।
मंगलबार माद्यामिक स्तरीय दुई खेल हुने आयोजक बराहक्षेत्र प्याब्सन नगर कार्यसमितिले जनाएको छ । पहिलो खेल गत बिजेता जय सप्तकोसी इङलिस स्कुल बराहक्षेत्र १० र सनसाइन इङलिस स्कुल बराहक्षेत्र १० बीच हुनेछ भने दोस्रो खेल राजाबास इङलिस स्कुल बराहक्षेत्र ९ र सुनसरी गार्डेन एकेडेमी बराहक्षेत्र ६ बीच हुनेछ ।
प्रतियोगितामा प्रथम हुने (आधारभुत र माद्यामिक) दुवै विधाका विद्यालयलाई नगद १५ हजार रुपैयाँ, २० तोला चादीँकोको सिल, मेडल तथा प्रमाणपत्र र दोस्रो हुनेलाई १० हजार रुपैयाँ, मेडल तथा प्रमाण पत्र प्रदान गरिने बराहक्षेत्र प्याब्सनले जनाएको छ । साथै सम्पुर्ण बिधामा ट्रफी र मेडल प्रदान गर्ने खेल संयोजक शरण लिम्बूले बताए । खेल ३० गतेसम्म सञ्चालन हुनेछ ।
उक्त प्रतियोगितालाई सफल पर्न एभरेष्ट फुटबल क्लबले सहकार्य गरेको छ ।
