सुनसरी । बराहक्षेत्र ३ नडाहामा जारी बराहक्षेत्र प्याब्सन सप्ताह खेलकुद अन्तर्गत मंगलबार भएको खेलमा पिसफुल इङलिस स्कुल बराहक्षेत्र ५ र सप्तकोसी बिद्या मन्दिर बराहक्षेत्र ७ विजयी भएका छन् ।
एभरेष्ट फुटबल क्लबको खेलमैदानमा जारी अन्तर विद्यालय फुटबल प्रतियोगिताको बुधबार भएको आधारभुत तर्फको दुवै खेलमा सप्तकोसी बिद्या मन्दिर र पिसफुल इङलिस विजयी हुँदै फाइनलमा प्रवेश गरेका छन् ।
पहिलो खेलमा आइरिस बराह एकेडेमी बराहक्षेत्र १ लााई ३ – २ गोल अन्तरले हराउँदै पिसफुल फाइनलमा प्रवेश गरेको हो । खेलको १५औं मिनेटमा आइरिसका अनिस श्रेष्ठले फ्रिकिक मार्फत पहिलो गोल गरे । १७औं मिनेटमा पिसुपुलका आयोग तामाङले पनि फ्रिकिक मार्फत गोल फर्काए । केही समयपछि पुनः तामाङले अर्को गोल गरी पहिलो हाफसम्म २ – १ को अवस्था रह्यो ।
खेलको दोस्रो हाफको आठौं मिनेटमा पिसफुलका आशिष राईले पुनः गोल गरे । दास्रो हाफको २०औं मिनेटमा आईरिसका नवराज राई गोल गरे । अन्ततः आइरिसले २ गोल बनाउन सफल भयो भने पिसफुल ३ गोल बनाएर फाइनलमा प्रवेश गर्यो । खेलको म्याच अफ म्याच पिसफुलका आयोग तामाङ घोषित भए ।
त्यस्तै बुधबार नै भएको दोस्रो खेलमा सुनसरी स्टार एकेडेमीलाई ६ – ० गोल अन्तरले पराजित गर्दै सप्तकोसी बिद्या मन्दिर फाइनलमा प्रवेश गरेको छ । खेलको २०औं मिनेटमा सप्तकासीका कुसल घिमिरेले पहिलो गोल गरे । २१औं मिनेटमा पुनः सप्तकोसीकै अस्मिन मगरले गोल गरे । पहिलो हाफसम्म २ – ० गोलको अवस्थामा रहेको खेलको दोस्रो हाफमा लगातार सप्तकोसीले गोल गर्यो ।
दोस्रो हाफमा लगातार सप्तकोसीका कुसल घिमिरेले १, अस्मिन मगरले २ र सचिन राईले १ गोल गरी खेल ६ – ० को अवस्थामा बनाउदै फाइनलको लागि स्थान सुरक्षित गर्यो । खेलको म्याच अफ द म्याच अस्मिन मगर घोषित भए ।
अब कार्तिक ३० गते हुने फाइनल खेलमा पिसफुल र सप्तकोसी बीच उपाधिका लागि प्रतिस्पर्धा हुनेछ । बिहीबार माद्यामिक स्तरीय खेल सुनसरी गार्डेन एकेडेमी बराहक्षेत्र ६ र सिद्धार्थ मेमोरियल इङलिस स्कुल बराहक्षेत्र ५ हुने आयोजक बराहक्षेत्र प्याब्सनले जनाएको छ । त्यस्तै प्याब्सनका अनुसार दोस्रो खेल भने भरौल बाल मन्दिर इङलिस स्कुल बराहक्षेत्र ३ र गत वर्षको बिजेता जय सप्तकोसी इङलिस स्कुल बराहक्षेत्र बीच हुनेछ ।
प्रतियोगितामा प्रथम हुने (आधारभुत र माद्यामिक) दुवै विधाका विद्यालयलाई नगद १५ हजार रुपैयाँ, २० तोला चादीँकोको सिल, मेडल तथा प्रमाणपत्र र दोस्रो हुनेलाई १० हजार रुपैयाँ, मेडल तथा प्रमाण पत्र प्रदान गरिने बराहक्षेत्र प्याब्सनले जनाएको छ । साथै सम्पुर्ण बिधामा ट्रफी र मेडल प्रदान गर्नृ खेल संयोजक शरण लिम्बूले बताए । खेल ३० गतेसम्म सञ्चालन हुनेछ।
प्रतियोगितामा प्रथम हुने (आधारभुत र माद्यामिक) दुवै विधाका विद्यालयलाई नगद १५ हजार रुपैयाँ, २० तोला चादीँकोको सिल, मेडल तथा प्रमाणपत्र र दोस्रो हुनेलाई १० हजार रुपैयाँ, मेडल तथा प्रमाण पत्र प्रदान गरिने बराहक्षेत्र प्याब्सनले जनाएको छ । साथै सम्पुर्ण बिधामा ट्रफी र मेडल प्रदान गर्नृ खेल संयोजक शरण लिम्बूले बताए । खेल ३० गतेसम्म सञ्चालन हुनेछ।
उक्त प्रतियोगितालाई एभरेष्ट फुटबल क्लबले सहकार्य गरेको छ । विशेष सहयोग बराहक्षेत्र खेलकुद विकास समितिकाे रहेको छ ।
