सुुनसरी । बराहक्षेत्र नगरपालिका ३ महेन्द्र माद्यामिक विद्यालयको खेलमैदानमा सुरु भएको प्रथम न्यु जेनेरेसन च्यालेन्ज कप को उद्घाटन खेल यलम्बर क्लब धरानले जितेको छ ।
शुक्रबार सुरु भएको प्रतियोगिताको पहिलो खेलमा यलम्बर मैनामैनी फुटबल क्लब उदयपुरलाई ८ ० गोल अन्तरले हराउँदै बिजयी भएको हो ।
खेलको पहिलो हाmपमा यलम्बरका मिलन लिम्बूले पहिलो गोल गर्दै खेललाई अग्रता दिएका थिए । त्यस्तै धिरेन्द्र लिम्बूले अर्को गोल गरेका थिए भने पहिलो हाफको अन्तिम समयमा पुनः मिलन लिम्बूले गोल गरे । पहिलो हाफसम्म ३(० गोल गर्दै यलम्बरले अग्रता लिएको थियो ।
दोस्रो हाफमा सचिन श्रेष्ठले २, मिलन लिम्बूले पुनः २ र बिटु तामाङले १ गोल गर्दै धरानले ८ गोल गर्न सफल भयो । उता मैनामैनीले भने खाता समेत खोल्न सकेन ।
खेलको म्यान अफ दि म्याच यलम्बरका मिलन लिम्बू घोषित भए । उनलाई महेन्द्र माबिका बिधुर भट्टराईले हस्तान्तरण मेडल हस्तान्तरण गरे ।
उक्त खेलमा बराहक्षेत्र नगरपालिका ३ वडा कार्यालयको संयोजन र बराहक्षेत्र नगरपालिकाको कार्यालयको विशेष सहयोगमा सो प्रतियिोगिता सुरु भएको आयोजक समितिका अध्यक्ष अजित राजधामिले बताए ।
उद्घाटन कार्यक्रममा वडा नं. ३ का अध्यक्ष रुद्र दाहालको प्रमुख आतिथ्यता थियो ।
प्रतियोगितामा प्रथम हुने टिमले ३० हजार र दोस्रोले २० हजार रुपैयाँ र साथमा दुवैले मेडल र ट्रफी साथै प्रमाणपत्र पाउने क्लबका अध्यक्ष राजधामिले बताए । शनिबारको खेल तराहरा फुटबल क्लब र प्रकाशपुर युवा जमात प्रकाशपुर बीच हुने आयोजकले जनाएको छ ।
