सुनसरी । बराहक्षेत्र नगरपालिकामा दोस्रो माद्यामिक विद्यालय स्तरीय रास्ट्रपति रनिङ शिल्डको तयारी पुरा भएको छ ।
माघ २७ (सोमबार)देखि फागुन २ गतेसम्म उक्त प्रतियोगिता संचालन हुने आयोजक बराहक्षेत्र नगर खेलकुद विकास समितिले जनाएको छ ।
जसमा बराहक्षेत्र नगरभरी रहेका सामुदायिक र संस्थागत गरि २७ वटा विद्यालय सहभागी हुने नगर खेलकुद विकास समिति संयोजक आसाराम चौधरीले बताए । जसमा ५ खेल हुनेछ भने कराते भलिबल, एथलेटिक्स, तेक्वान्दो, कबड्डी हुनेछ ।
वडा नम्बर ७ मा रहेको वसन्त ऋतु विद्यालयको प्रांगणमा हुने कार्यक्रमलाई बराहक्षेत्र नगरपालिकाले संयोजन र बराहक्षेत्र नगर शिक्षा समितिले समन्वय गर्नेछ ।
उक्त प्रतियोगितामा प्रथम हुनेलाई २५ हजार, दोस्रो हुनेलाई १५ हजार र तेस्रो हुनेलाई १० हजार रुपैयाँसहित ट्रफी, मेडल र प्रमाणपत्र प्रदान गर्ने आयोजकले जनाएको छ ।
अन्य विभिन्न विधाहरुमा विद्यालयलाई प्रति विधा ५ हजार रुपैयाँका दरले पुरस्कार प्रदान गर्ने चौधरीले बताए ।
प्रथम, दोस्रोले जिल्ला स्तरीय रास्ट्रपति रनिङ शिल्ड प्रतियोगितामा सहभागी हुन पाउनेछन् ।
