पोखरा जारी नवौं राष्ट्रिय खेलकुदको एथ्लेटिक्सअन्तर्गत महिला लङजम्पमा त्रिभुवन आर्मी क्लबकी जयरानी थारुले राष्ट्रिय कीर्तिमानसहित स्वर्ण पदक जितेकी छन् । लुम्बिनी प्रदेशकी निशा चौधरीको नाममा रहेको ५ः४७ मिटरको कीर्तिमान तोडेर जयरानीले ५ः५८ मिटरको नयाँ राष्ट्रिय कीर्तिमान कायम गरेकी छिन् ।
मंगलबार नै व्यक्तिगत उत्कृष्ट नतिजा निकालेकी निशाले ५ः४९ मिटरसहित रजत पदक जितिन् । यसअघि कीर्तिमान बनाएकी निशाले त्योभन्दा उत्कृष्ट नतिजा निकाले पनि स्वर्ण जित्न सकिनन् । सशस्त्र प्रहरी बलको एपिएफ क्लबकी शिला चौधरीले ५ः३१ मिटरसहित कास्य पदक प्रप्त गरेकी छिन् ।
जयरानीको जारी नवौं राष्ट्रिय खेलकुदको ट्र्याक एन्ड फिल्डमा यो तेस्रो स्वर्ण पदक हो । यसअघि जयरानीले महिला १०० मिटर र ४०० मिटर हर्डल्स (बाधा डौड) पनि राष्ट्रिय कीर्तिमानसहित स्वर्ण पदक प्रप्त गरेकी थिइन् ।
