अन्तर्राष्ट्रिय एकदिवशीय क्रिकेटमा नेपालले युएईलाई तीन विकेटले पराजित गरेको छ ।
बुधबार कीर्तिपुरस्थित क्रिकेट मैदानमा भएको खेलमा नेपालले युएईको लक्ष्य १३ बल बाँकी हुँदै भेट्टाएको थियो ।
टस जितेर ब्याटिङ रोजेको युएईले ४३.२ ओभर खेल्दै सबै विकेट गुमाएको थियो । नेपालसामु १९२ रनको लक्ष्य प्रस्तुत गरेको युएईले नेपालको ७ विकेट मात्र लिन सफल रहयो ।
४७ ओभर ५ बलमा नेपालले लक्ष्य पुरा गरेको हो । बुधबारको खेलमा नेपालका गुल्सन झा सर्वोत्कृष्ट खेलाडी बन्न सफल रहे । उनले ४९ बलमा नेपालका लागि सर्वाधिक ३७ रन बनाए । यस्तै कुशल भुर्तेलले ३५ रन बनाउँदा आरिफ शेखले अविजित ३३ रन बनाए।
यता युएइका मोहम्मद वासिमले अर्धसतक तथा अलिशान शराफुले भने ३५ रन बनाएका छन् । यसअघिको भएको खेलमा नेपाल युएईसँग ८२ रनले पराजित भएको थियो । आजको खेलमा विजयी भएसँगै यो सृंखला १(१ को बराबरीमा समाप्त भएको छ ।
