सुनसरी । उदयपुरको त्रियुगा नगरपालिका–१५ छाम्लिङ स्थितमा हिजो (शुक्रबार) भएको ट्याक्टर दुर्घटना हुँदा चालक सहित ३ जना घाइते भएका थिए । घाइते भएका मध्ये १ को उपचारका क्रममा मृत्यु भएको प्रहरीले जनाएको छ ।
ट्याक्टरमा सवार त्रियुगा नगरपालिका ३ मिलन चोक बस्ने ३५ बर्षीय पुरूषोत्तम कार्कीको घोपा धरानमा उपचारको क्रममा हिजो (शुक्रबार) बेलुका साढे ५ बजेकाे समयमा मृत्यु भएको हो ।
हिजो शुक्रबार दिउँसो भएको दुर्घटनामा १ जनाको घटनास्थलमै मृत्यु भएको थियो भने ३ जना घाइतेहरुलाई धरान स्थित घोपामा पठाइएको थियो । हाल सो घटनाबाट घाईते भएका २ जनाको उपचार भैरहेको प्रहरीले जनाएको छ ।
त्यस्तै सोही दुर्घटनामा उद्दारमा खटिएका जिल्ला ट्राफिक कार्यालय उदयपुरमा कार्यरत प्रहरी बरिष्ट नायब निरिक्षक लोक बहादुर दियालीले लाश निकाल्ने क्रममा लडेर घाईते भऐका छन् ।
उनलाई उपचारका लागि जिल्ला अस्पतालमा पठाइएको प्रहरीले जानकारी दिएको छ । साथै घटनाबारे थप अनुसन्धान सुरु गरिसकेको प्रहरीले जनाएको छ ।
सम्बन्धीत समाचार :-
