इटहरी नमुना कलेज सामाजिक कार्य विभागले आइतबार रक्तदान कार्यक्रम सम्पन्न गरेको छ । लैङ्गिक हिंसा विरुद्धको १६ दिने अभियान अन्तर्गत सामाजिक कार्य विभागले गरेको सो कार्यक्रममा ६३ पिन्ट रगत संकलन भएको छ ।
१६ दिने अभियान अन्तर्गत रक्तदान कार्यक्रम गरिएको सामाजिक कार्य विभाग प्रमुख सैलेन्द्र राईले जानकारी दिए । बजारमा रगत अभाग भइरहेको अवस्थामा सो अभाव केही हदसम्म पूर्ति गर्नका लागि पनि रक्तदान कार्यक्रम आयोजना गरिएको राईले बताए ।
रक्तदान कार्यक्रममा शिक्षक तथा विद्यार्थीहरुले रगत दान गरेका थिए । अभियान अन्तरगत खाद्यान्न वितरणलगायतका कार्यक्रम बाँकी रहेको र समापनका दिन सडक नाटकलगायतका सचेतनामुलक प्रस्तुती समेत गर्ने योजना रहेको सामाजिक कार्य विभाग प्रमुख राईले जानकारी दिए ।
कलेजले लैङ्गिक हिंसा विरुद्धको १६ दिने अभियानको उद्घाटनका दिन इटहरीमा सचेतनामुलक र्याली तथा ड्रिल डान्स आयोजना गरेको थियो ।
