रामधुनी । प्रधानमन्त्री केपी ओली र राष्ट्रपति विद्यादेवी भण्डारीले गरेको संसद विघटनविरुद्ध लाग्न नेकपा माओवादी केन्द्रले आह्वान गरेको छ ।
आइतबार नगर कार्यसमितिका कार्यवहाक अध्यक्ष उत्तम पौडेल हस्ताक्षरित विज्ञप्तीमा सो कदम असंवैधानिक रहेको भन्दै यसको विरुद्धमा लाग्न आह्वान गरिएको हाे ।
‘प्रधानमन्त्री के पि ओलि र राष्ट्रपति विद्यादेवी भण्डारीको मिलेमतोमा जेष्ठ ७ गते मध्यरातमा भएको प्रतिनिधीसभाको असंवैधानिक अलोकतान्त्रीक गैर राजनैतिक कदमको घोर निन्दा, विरोध एवम् भत्सना गर्दछौ’ विज्ञप्तीमा भनिएको छ, ‘ यो कदम ले संवैधानिक सर्वोच्चता माथीको पनि खिल्लि उडाएको र अपहेलना गरेको ठहर गर्दै त्यस कदम को विरुद्धमा सिङ्गो पार्टी पङ्क्ति र अन्य लोकतान्त्रिक पार्टीहरूसँग समन्वय गरि मोर्चा बन्दि रुपमा राजनैतिक स्तरमा पहल गर्ने नगर कमिटीको निष्कर्ष रहेको छ ।’
