काठमाडाैं । १३औं दक्षिण एसियाली खेलकुद प्रतियोगिता (साग) को मंगलबार भएकाे फुटबलको फाइनलमा नेपाल विजयी भएको छ ।
२-१ गोल अन्तरले भुटानलाई पराजित गर्दै नेपालले उपाधि चुमेकाे हाे ।
नेपालका लागि अभिषेक रिजाल र सुनिल बलले गोल गरेका थिए । उता भुटानका लागि चेन्चो ग्याल्सेनले गोल गरेका थिए ।
रिजालले पहिलो हाफमा गोल गर्दै खेललाई अग्रता दिलाएका थिए भने त्यसको केही समयपछि भुटानले गोल फर्काएको थियो । दोस्रो हाफमा नेपालका लागि सुनिलले एक गोल थप्दै पुन अग्रता दिलाएका थिए ।
