नवौं राष्ट्रिय खेलकुद प्रतियोगिताकाे महिला भारोत्तोलमा पुलिसकी विद्या राईल ८७ केजीभन्दा माथि तौल समूहको स्न्याचमा कीर्तिमान कायम गरेकी छन् । उनले स्न्याचतर्फ ७६ र क्लिन एन्ड जर्कमा ८८ गरी कुल १६४ केजी भार बहन उचाल्दै स्वर्ण जितेकी हुन् ।
स्न्याचमा ७५ केजीको आफ्नै नाममा रहेको कीर्तिमानीलाई विद्याले फेरी नयाँ कीर्तिमान कायम गर्न सफल भएकी छिन् । उनले थप एक केजी बढी उचाल्दै नयाँ कीर्तिमान बनाएकी हुन् । यसै कीर्तिमानका साथ विद्याले स्वर्ण पदक प्रप्त गरेकी छिन् ।
एपीएफकी शिखा थापाले रजत र गण्डकीकी सिन्जल गुरुङले कांस्य पदक जितेका छन् । शिखाले स्न्याचतर्फ ४० क्लिन एन्ड जर्कमा ५३ केजी गरी कुल ९३ केजी भार उचालिन् । गण्डकीलाई कांस्य दिलाएकी सिन्जलले स्न्याचमा ४० र जर्कमा ५० केजी भार उठाउन सफल रहिन् ।
भारोत्तोलनमा एपीएफ क्लबले पहिलो स्वर्ण जितेको छ । बुधबार महिला ८७ केजी तौलमा एपीएफकी निशा बलालले स्वर्ण पदक जितिन भने उनले स्न्याचमा ६२ र क्लिन एन्ड जर्कमा ७७ गरी कुल १३९ केजी भार उचालेकी हन् ।
पुलिसकी जयन्ती श्रेष्ठले स्न्याचमा ६३ र क्लिन एन्ड जर्कमा ७४ गरी कुल १३७ केजी भार उचाल्दै रजत जितिन् । आर्मीकी अस्मिता राईले स्न्याचमा ५७ र क्लिनमा ८८ गरी कुल १२५ केजी भार उचालेकी छिन् ।
कुल २० स्वर्णका लागि भएको प्रतिस्पर्धाको हालसम्म १६ स्वर्णको टुंगोलागि सकेको छ । जसमा पुलिसले ९, आर्मीले ४, सुदूरपश्चिमले २ स्वर्ण र एपीएफले १ स्वर्ण जितेका छन् ।
