बराहक्षेत्र । नेपाल प्रेस युनियन नेपालको ३१ औं स्थापना दिवसको अवसरमा बराहक्षेत्र नगर समितिले स्वास्थ्य सामाग्री वितरण गरेको छ । कोभिड १९ को महामारीमा पनि नगरभित्र अग्रपङतिमा रहेर क्रियाशिल रुपमा सञ्चारकर्ममा सक्रिय पत्रकारहरुलाई युनियनले बिहीबार स्वास्थ्य साम्रागी वितरण गरेको हो ।
लोकतन्त्रवादी पत्रकारहरुको साझा संस्थाको रुपमा स्थापित नेपाल प्रेस युनियनको शाखाको रुपमा रहेको नगर समितिले बराहक्षेत्र नगरपालिकामा स्थापित सुनसरी एफ.एम., कोसिसम्मान, समृद्ध वराहक्षेत्र साप्ताहि पत्रिका, न्यानो अनलाइन टिभि, बराह अनलाइन टिभि, बराह दर्पण अनलाइन, त्यस्तै ब्लाष्ट टाइम्स, कोसिपत्र, खबरबिट, न्युज पार्क, आवर उदयपुर लगाएत सञ्चार माध्यममा कार्यरत पत्रकारहलाई घरघरमै पुगेर स्वास्थ्य साम्रागी प्रदान गरिएको थियो ।
नगर भित्रका १५ जना भन्दा बढी पत्रकारहरुलाई मास्क, सेनिटाइजर, साबुन लगाएको स्वास्थ्य साम्रागी प्रदान गरिएको बराहक्षेत्र युनियनका अध्यक्ष संगम बिष्ट जानकारी दिए । कोभिड महामारी लगाएत देशको विषम परिथितिमा पनि अग्रभागमा रहेर सूचना सम्प्रेषण गरिरहेका पत्रकारहरुलाई सरकारले फ्रन्टलाइनरको रुपमा राखेर सेवा सुविधा दिनुपर्ने बिष्टले बताए ।
त्यस्तै बिहीबारनै बराहक्षेत्रमा कोभिड संक्रमित भएर होम आइसोलेशनमा रहेका एक जना पत्रकारलाई मोवाइल डाक्टरको सेवासहित स्वास्थ्य सामाग्री, पोष्टिक युक्त खाद्यान्न प्रदान गर्नुका साथै हौसला समेत दिइएको नेपाल प्रेस युनियनका केन्द्रीय पार्षद समेत रहेका प्रेस युनियनका सल्लाहकार भीषण राईले जानकारी दिए ।
