जिल्ला प्रहरी कार्यालय मोरङले मोटरसाईकल तथा स्कुटर चोरी गरेको आरोपमा चार जनालाई पक्राउ गरेको छ ।
पौष १४ गते राती बिराटनगर महानगरपालिका ९ ठाकुरवाडी रोडबाट प्रदेश नं ०१–०२–०४२ प ३७७७ नम्बरको एनएस मोटरसाईकल हराएको भन्ने सूचनाका आधारमा जिल्ला प्रहरी कार्यालय मोरङबाट खोजतलासमा खटिएको प्रहरी टोलीले मोटरसाईकल चोरीमा संग्लग्न रहेका धनपालथान गाउँपालिका ७ का २१ वर्षीय रविन राजबंशी, बुढिगंगा गाउँपालिका ७ का २५ वर्षीय पन्चदेव खवास र विराटनगर महानगरपालिका १९ का २१ वर्षीय विकेश खवासलाई चोरीको मोटरसाईकल सहित पक्राउ गरेको हो ।
यसैगरी सोही दिन बिराटनगर ८ मधुमाराबाट प्रदेश नं ०१–०२–००५१ प १०२७ नम्बरको स्कुटर चोरी भएको भन्ने सूचना पाएसंगै खोजतलासमा खटिएको प्रहरी टोलीले चोरीमा संग्लग्न रहेका स्थानीय २० वर्षीय सतिस मुखियालाई स्कुटरको पार्ट पुर्जा खोल्दै गरेको अवस्थामा पक्राउ गरेको हो । पक्राउ परेका उनीहरुलाई चोरी सम्बन्धी मुद्धामा थप अनुसन्धान भईरहेको जिल्ला प्रहरी कार्यालय मोरङले जनाएको छ ।
